Сайн байна уу? Юуны өмнө манай жижиг дунд бизнес эрхлэгчдэд мэргэжлийн зөвлөгөө, аргазүйн тусламж дэмжлэг үзүүлж, өөрийн оюуны хувь нэмрийг оруулахаар шийдсэн танд чин сэтгэлийн талархал илэрхийлж, баяр хүргэе. Хэрвээ та
- Та стратеги, маркетинг, санхүү, хүний нөөц, технологи, хууль эрхзүйн аль нэг чиглэлээр чанартай боловсрол эзэмшиж, энэ чиглэлээрээ 10 ба түүнээс дээш жил гүйцэтгэх болон удирдах түвшинд ажилласан туршлагатай бол
- Жижиг дунд бизнес эрхлэгчдийн асуудлыг шийдвэрлэсэн, цаг үеэ олсон, олон улсын чиг хандлагыг танилцуулсан, үйл ажиллагааг нь бодитоор дэмжих агуулга бүхий зөвлөгөө мэдээлэл, нийтлэл өгүүлэл, сургалт судалгааны материалаа дэлхийн өнцөг булан бүрт ажиллаж, бизнес эрхэлж байгаа Монголчууддаа хүргэхийг хүсвэл
- Цаашид тухайн мэргэшсэн чиглэлээрээ зөвлөх үйлчилгээ, сургалтын бизнес эрхэлж, байнгын харилцагч түншүүдийнхээ тоог нэмэгдүүлэх зорилготой бол
- Мэдсэн суралцсан зүйлээ бусадтай хуваалцах, туршлага солилцох, мэдлэгээ бататгах, өөрийн гэсэн мэдлэгийн нэгдсэн санг үүсгэх бодолтой бол та бидэнтэй нэгдэж, манай зөвлөх болохыг урьж байна.
Түгээмэл асуултууд:
Зөвлөх: Би мэдээлэл нийтлүүлсний төлөө ямар нэг хураамж төлбөр төлөх үү? Эсвэл мөнгө авах уу?
www.sme.mn: Манайх жижиг дунд бизнес эрхлэгчдийг чадавхжуулах, байнгын шинэ сэргэг, хэрэгцээт мэдлэг мэдээлэл, зөвлөгөө аргазүйгээр хангахыг зорьж ажилладаг ашгийн бус төрийн бус байгууллага бөгөөд нэг талаас зөвлөхүүдэд өөрийн нэр хүндээ өсгөх, мэдлэг туршлагаа хуваалцах, харилцагчдаа бэлдэх талбарыг бий болгож, бизнес эрхлэгчидтэй холбох гүүр болж байгаадаа баяртай байна. Тиймээс бид хэн хэндээ ямар нэг төлбөр төлөхгүй
Зөвлөх: Шинэ мэдээллийг ямар давтамжтайгаар оруулбал тохиромжтой вэ?
www.sme.mn: Мэдээж энэ бол таны сонгох асуудал, гэхдээ долоо хоногт 1-2 мэдээлэл оруулж, харилцагчидтайгаа байнгын эргэх холбоотой байвал илүү үр дүнтэй, таны оруулсан мэдээллийн үнэ цэнэ, чанар чансаа таныг илэрхийлэх гол толь учир хаа нэгтээ эсвэл гэнэт санахаараа нэг мэдээлэл оруулах нь таныг зөвлөхийн ажилдаа хэр ач холбогдол өгдгийг харуулах болно.
Зөвлөх: Нийтлэлээ ямар хэлбэрээр, ямар сэдвээр бичих вэ?
www.sme.mn: Аль болох онол, практик хосолсон хэлбэрээр, тоо баримт судалгаатай бол илүү итгэл үнэмшилтэй байдаг. Гэхдээ уйтгартай нуршсан биш товч тодорхой энгийн өгүүлбэрээр бичвэл уншигчдад уншиж ойлгоход илүү хялбар байдаг. Гадны материалаас орчуулсан тохиолдолд мэдээллийн эх сурвалжийг дурдахаа мартаж болохгүй. Сэдвийн хувьд та өөрийн мэргэшсэн чиглэл манай порталын аль ангилалд багтаж байгааг хараад түүнийг сонгон бичиж болно.
Зөвлөх: Би ямар алхамаар танай порталын зөвлөх болох вэ?
www.sme.mn: Та өөрийн CV болон эхний нийтлэлээ info@sme.mn хаягаар явуулж, бидний зүгээс танд ажлын 2 хоногийн дотор баталгаажуулсан эсэх хариу илгээснээр та манай порталын зөвлөх болно.